बसत बगलत बथाल


बसत बगलत बथाल,
सुन्दर सुसिल लगबार,
छे ते चेङगी काय कुन्हा कार,
बलेम ते बलेम कि ?
पुछेम ते कहबे कि?
अजिब ककस मकस छे मनत,
बसेर झयाल हते,
उहार चुली उराते,
कुन्हु बयार(हाबा) जदि आसे,
नि बोल लौउ भि कतला बात,
मोर मन डक कहि जाचे,
जरूरी ते नि छे ,
जे मुइ महसुस करू,
उहाय भि करोक,
फिर भि दिल र चाहेचे,
हल्का लजाते मुस्कुराते,
उहाय कुछु कहोक,
कुछ देर बाद इड बस रूकि जाबे,
नि रूकलौउ भि हले ने,
कतला गफ रहि जाबे,
फेर कहियोक येनङ हबे ने नि हबे,
आजकार दिन र मिठ याद बनि जाबे............।

0 comments:

Post a Comment